Зэрлэг ан амьтан, ургамал зэрэг биологийн төрөл зүйлийг хамгаалах, эко системийн үйлчилгээг /ой, бэлчээр гэх мэт/ сайжруулах, хүрээлэн буй орчноо хамгаалах  үйл ажиллагаанд ерөнхий боловсролын сургуулиудын эко клубүүдийн оролцоог дэмжин чадавхижуулах зорилгоор төсөл зорилтод сумдынхаа сургууль,  холбогдох байгууллагуудтай хамтран ажиллаж байна.

Энэ ажлын хүрээнд Баянхонгор аймгийн Баян-Өндөр суманд болсон Говийн Их Дархан Цаазат газрын А хэсгийн  орчны бүсэд хамаарах Говь-Алтай ,Баянхонгор аймгийн 5 сумын сургуулийн Эко клубын сурагчдын туршлага судлах бүсийн чуулганыг оролцогч талуудтай хамтран зохион байгууллаа. Чуулга уулзалтад төслийн зорилтод сумд болох Говь-Алтай аймгийн Чандмань, Цогт Эрдэнэ, Баянхонгор аймгийн Шинэжинст, Баян-Өндөр сумын сургуулийн Эко клубын төлөөлөл оролцлоо.

Мөн Завхан аймгийн Улиастай хотод 2019 оны 9 дүгээр сарын 21 нд болсон    Байгаль орчны нээлттэй хаалганы өдөрлөгт төслийн зорилтот сумд болох Тосонцэнгэл, Их-Уул сумын сургуулийн Эко клубын сурагчдын төлөөлөлийг оролцуулан сайн ажиллаж байгаа эко клубээс туршлага судлууллаа.

Цаашид төслийн зорилтот сумданхаа Эко клубын хийж заншсан болон сурагчдын шинээр санаачилан хийж буй байгаль хамгаалах үйлсийг санхүүжүүлэх, үйл ажиллагааны төлөвлөгөөг дэмжин ажиллах, сургуулийн сурагчдын насны ангилал, онцлогт тохирсон экологийн боловсрол олгох сургалт зохион байгуулах, эко клубын хүүхдүүдийг сургагч багш болгон бэлтгэх, сурагчдад экологийн мэдлэг олгох, зөв хандлага, дадал хэвшил бий болгох сайн туршлаг нэвтрүүлэн хэрэгжүүлэхэд дэмжлэг үзүүлэх, Эко боловсрол олгох олон төрлийн арга хэмжээг зохион байгуулах, иргэд олон нийтэд чиглэсэн байгаль орчны боловсрол олгох үйл ажиллагаанд сурагчдыг сургаж оролцуулах, хамтран гүйцэтгэх зэрэг ажлыг зохион байгуулахаар төлөвлөөд байна.