Ойн тогтвортой менежментийг хэрэгжүүлэх хүрээнд ойн аж ахуйн арга хэмжээний жишиг талбай байгуулах онол, практик хосолсон үзүүлэх сургалтыг Завхан аймгийн Тосонцэнгэл, Их-Уул сумын нутагт хамаарах Тарвагатайн нуруу, Архангай аймгийн Эрдэнэмандал, Батцэнгэл, Хайрхан сумын нутагт орших Бөхөн шарын нурууны ойн нөхөрлөл, сумдын ойн ангийн удирдлага, мэргэжилтнүүд болон ойн мэргэжлийн байгууллагуудын 50 гаруй төлөөллийг хамруулан амжилттай зохион байгуулж ур чадварын гэрчилгээ гардууллаа.

Түүнчлэн Тосонцэнгэл, Эрдэнэмандал сумдын СДОА-ууд тус бүр хөдөлмөрийн аюулгүй байдлыг хангасан шинэ дэвшилтэд 29 нэр төрлийн 60 гаруй сая төгрөгийн үнэ бүхий багаж, тоног төхөөрөмжүүдийг хүлээлгэн өгч, ашиглалтын заавар зөвлөмжийг сургалтын үеэр зааж сургалаа. Ингэснээр сумын болон нөхөрлөлүүдийн өөрсдийн ойн тогтвортой менежментийн төлөвлөгөө түүнд тусгагдсан ойн аж ахуйн арга хэмжээний ажлуудыг төлөвлөх, зохион байгуулах, хэрэгжүүлэхэд бодит хувь нэмэр болж улмаар ойн хомсдол доройтлоос сэргийлэх, бууруулах боломжийг бүрдүүлж байна.

Сургалтын дараа ойн нөхөрлөлүүд өөрийн хамгааллын талбайдаа талбай тусгаарлан арчилгаа, цэвэрлэгээний огтлолын ажлыг бие даан гүйцэтгэж эхлээд байна.