Огноо: 2022 оны 9 дугаар сарын 21 өдөр

Байгаль орчин, аялал жуулчлалын яамнаас хэрэгжүүлж буй "Монголын унаган байгалийн хүлцэл, тогтворжилтыг хангах нь” төслийн зорилтод сумдад ойн тогтвортой менежментийн төлөвлөгөөг хэрэгжүүлэх ажлын хүрээнд “Баянхонгор аймгийн Баян-Өндөр суманд мод үржүүлгийн газар байгуулах, сургалт зохион байгуулах” ажлыг гүйцэтгэх үнийн санал ирүүлэхийг урьж байна.

Тус ажил нь төслийн зорилтот бүс нутагт хамаарах Баянхонгор аймгийн Баян-Өндөр суманд заган ойг нөхөн сэргээх, үржүүлэх, орон нутгийн иргэд, төслийн ашиг шим хүртэгч талуудад мод үржүүлгийн газрын үйл ажиллагаа, удирдлага зохион байгуулалтын талаар онол, практикийн сургалт зохион байгуулах, шаардлагатай анхан шатны багаж хэрэгслээр хангах зорилгоор:

• Баян-Өндөр сумын нутагт 40х40 харьцаатай хашаалж, хамгаалсан талбайд мод үржүүлгийн талбайн зохион байгуулалт хийх;
• Мод үржүүлгийн газрыг шаардлагатай анхан шатны тоног төхөөрөмж нийлүүлэх, сургалтад зориулж тарьц суулгацаар хангах, зорилтот бүлгийн оролцогчдод сургалт зохион байгуулах.

Үнийн санал ирүүлэхдээ битүүмжлэн 2022 оны 9 дүгээр сарын 30-ны 10 цаг 30 минутаас өмнө дор дурдсан хаягаар ирүүлнэ үү.

Үнийн саналыг нээлтэд оролцох хүсэлтэй оролцогчдыг байлцуулан 2022 оны 9 дүгээр сарын 30-ны өдрийн 11 цаг 30 минут-д нээнэ.

 

Бүрдүүлэх бичиг баримт:

Бүрдүүлэх бичиг баримт болон бусад дэлгэрэнгүй мэдээллийг дараах хаягаар холбогдон авна уу.

Хаяг: Монгол Улс, Улаанбаатар хот, Хан-Уул дүүрэг-17023, Зайсангийн гудамж-9, Цэнгэг усны нөөц, байгаль хамгааллын төв, 311 тоот

Холбоо барих утас: 976-98281144; 976-99188681

Цахим шуудангийн хаяг: info@ensure.mn