Огноо: 2022/05/13

 

1. Байгаль орчин, аялал жуулчлалын яам, Нэгдсэн Үндэстний Байгууллагын Хөгжлийн Хөтөлбөрийн хамтран хэрэгжүүлж буй “Монголын унаган байгалийн хүлцэл, тогтворжилтыг хангах нь ”төслөөс “Улсын тусгай хамгаалттай газрын менежментийн төлөвлөгөө боловсруулах зөвлөх үйлчилгээ /Тарвагатайн нурууны БЦГ/” (ENSURE-2022-T-03) гүйцэтгэгчийг сонгон шалгаруулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.

 

2. Төслийн хүрээнд тусгай хамгаалалттай газар нутгийн сүлжээг 0.94 сая га-аар нэмэгдүүлэх, зорилтот хамгаалалттай газар нутгийн менежментийн үр ашгийг 15%-иар нэмэгдүүлэх зорилтыг тавин ажиллаж байна. Энэхүү зорилтын хүрээнд ТХГН-ийн менежментийн төлөвлөгөөг боловсруулах, төслийн газар нутаг дахь ТХГН-ийн менежментийн үр нөлөөг сайжруулах, ялангуяа ТХГН-ийн төлөвлөлт, мэдээлэл солилцоо, санхүүжилт, үйл ажиллагааны үнэлгээг дэлхийн стандартаар шинэлэг арга зүйг ашиглан оролцооны аргаар хийж, хэрэгжүүлэх ажлыг зохион байгуулна. Энэхүү зөвлөх үйлчилгээний хүрээнд сэрүүн бүсийн ойн төлөөлөл Тарвагатайн нурууны БЦГ-ын 2022-2026 онд хэрэгжүүлэх менежментийн төлөвлөгөөг боловсруулж батлуулна.

 

3. Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох мэдээллийг бүрдүүлж ирүүлнэ. Үүнд:

 

• Хуулийн этгээдийн танилцуулга, ажил гүйцэтгэх багийн танилцуулга, боловсрол, мэргэшсэн байдал, ур чадвар, туршлагын талаарх мэдээлэл, нотлох баримт, холбоо барих хаяг, утасны дугаар, цахим шуудангийн хаяг г.м
• Тухайн зарлагдсан ажилтай холбоотой хийсэн ажлын жагсаалт, гэрээний хуулбарын хамт.
• Зөвлөх нь “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн 14-16 дугаар зүйлийн шаардлагыг хангасан байна. /Үүнд: улсын бүртгэлийн гэрчилгээ, хуулийн 14.1.2-т заасан нөхцөл байдал үүсээгүй талаарх татварын байгууллагын тодорхойлолт, хуулийн 14.1.4 болон 14.1.7-д заасан нөхцөл байдал тус тус үүсээгүй талаарх шүүхийн тодорхойлолт, хугацаа хэтэрсэн зээл болон зээлийн хүүгийн өр төлбөргүй талаарх харилцагч банкны тодорхойлолт, сүүлийн 1 жилийн санхүүгийн тайлангийн хамт./

 

1. Сонирхсон этгээд нэмэлт мэдээллийг 2022 оны 5 дугаар сарын 22-ны өдрөөс өмнө 10:00-17:00 цагийн хооронд авч болох бөгөөд мэдүүлгээ дор дурдсан хаягаар 2022 оны 5 дугаар сарын 24-ны өдрийн 10 цаг 30 минутаас өмнө ирүүлнэ үү.

 

Монгол Улс, Улаанбаатар хот, Хан-Уул дүүрэг-17023, Зайсангийн гудамж-9,

Цэнгэг усны нөөц, байгаль хамгааллын төв, 311 тоот

С.Нарангарав, Утас: 976-98281144; 976-99188681