Эхлэл / Завхан аймгийн Тосонцэнгэл сумын "Дэлгэрэх " ОНТХГ-ын төлөвлөгөө боловсруулах зөвлөх үйлчилгээ
13 05

Завхан аймгийн Тосонцэнгэл сумын "Дэлгэрэх " ОНТХГ-ын төлөвлөгөө боловсруулах зөвлөх үйлчилгээ

Нийтлэсэн: Админ
Огноо: 2022-05-13 05:24:03

Огноо: 2022/05/13

 

  1. Байгаль орчин, аялал жуулчлалын яам, Нэгдсэн Үндэстний Байгууллагын Хөгжлийн Хөтөлбөрийн хамтран хэрэгжүүлж буй “Монголын унаган байгалийн хүлцэл, тогтворжилтыг хангах нь ”төслөөс “Орон нутгийн тусгай хамгаалалттай газрын менежментийн төлөвлөгөө боловсруулах зөвлөх үйлчилгээ /Завхан аймгийн Тосонцэнгэл сумын Дэлгэрэх ОНТХГ/” (ENSURE-2022-T-02) гүйцэтгэгчийг сонгон шалгаруулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.

 

  1. Энэхүү зөвлөх үйлчилгээ нь төслийн зорилтот нутгийн экосистемийн төлөөлөл болон сонгогдсон Завхан аймгийн Тосонцэнгэл сумын “Дэлгэрэх” орон нутгийн тусгай хамгаалалттай газрын менежментийн төлөвлөгөөг оролцооны аргаар боловсруулах, Байгаль орчин, аялал жуулчлалын сайдын 2021 оны  01 сарын 22 ны өдрийн А/16 дугаар тушаалаар баталсан “Тусгай хамгаалалттай газар нутгийн менежментийн төлөвлөлтийн аргазүй”-г ашиглан орон нутгийн тусгай хамгаалалттай газрын менежмент төлөвлөгөөг боловсруулж батлуулах зорилготой болно.

 

  1. Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах мэдээллийг бүрдүүлж ирүүлнэ. Үүнд:

 

  • Хуулийн этгээдийн танилцуулга, ажил гүйцэтгэх багийн танилцуулга, боловсрол, мэргэшсэн байдал, ур чадвар, туршлагын талаарх мэдээлэл, нотлох баримт, холбоо барих хаяг, утасны дугаар, цахим шуудангийн хаяг г.м
  • Тухайн зарлагдсан үйлчилгээтэй холбоотой гүйцэтгэсэн ажлын жагсаалт
  • Зөвлөх нь “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн 14-16 дугаар зүйлийн шаардлагыг хангасан байна. /Үүнд: улсын бүртгэлийн гэрчилгээ, хуулийн 14.1.2-т заасан нөхцөл байдал үүсээгүй талаарх татварын байгууллагын тодорхойлолт, хуулийн 14.1.4 болон 14.1.7-д заасан нөхцөл байдал тус тус үүсээгүй талаарх шүүхийн тодорхойлолт, хугацаа хэтэрсэн зээл болон зээлийн хүүгийн өр төлбөргүй талаарх харилцагч банкны тодорхойлолт, сүүлийн 1 жилийн санхүүгийн тайлангийн хамт./

 

  1. Сонирхсон этгээд нэмэлт мэдээллийг 2022 оны 5 дугаар сарын 22-ны өдрөөс өмнө 10:00-17:00 цагийн хооронд авч болох бөгөөд мэдүүлгээ дор дурдсан хаягаар 2022 оны 5 дугаар сарын 24-ны өдрийн 10 цаг 30 минутаас өмнө ирүүлнэ үү.

 

 

Монгол Улс, Улаанбаатар хот, Хан-Уул дүүрэг-17023, Зайсангийн гудамж-9,

Цэнгэг усны нөөц, байгаль хамгааллын төв, 311 тоот

С.Нарангарав, Утас: 976-98281144; 976-99188681