Байгалийн нөөц ашигласны төлбөрийн тухай хуулийн дагуу ойн дагалт баялгийн хураамжийн орлогыг нэмэгдүүлэх, улмаар тус хуульд заасны дагуу олсон орлогын 85 ба түүнээс дээш хувийг эргүүлэн ой хамгаалал, ойн нөхөн сэргээлтэд зарцуулах боломжийг хангах ажлыг Завхан аймгийн Тосонцэнгэл, Их-Уул сумын хэмжээнд турших ажлыг ENSURE төсөл "Ногоон тэс" ТББ, төслийн үндэсний зөвлөх Доктор Г.Ганзориг нар хамтран хэрэгжүүлж байна.

Тарвагатайн нурууны тусгай хамгаалалттай газрын хязгаарлалтын болон аялал жуулчлалын бүсэд самар их ургасан тул тусгай хамгаалалттай газрын Орчны бүсэд байрлах Их-Уул сумын Цэцүүх багийн нөхөрлөлийн гишүүдтэй уулзаж ойн дагалт баялгийг ашигласны хураамж төлбөр хураах талаархи мэдээллээр иргэдийг хангаж ажиллан хуулийн дагуу төлбөр хураамж хураах үйл ажиллагааг  Тарвагатайн нурууны байгалийн цогцолборт газрын хамгаалалтын захиргаа, нөхөрлөлийн гишүүд, идэвхитэн байгаль хамгаалагч нартай хамтран зохион байгуулж байна.   

2020 оны 10-р сарын 15-ны байдлаар Их-Уул суманд 120 орчим сая төгрөгийн орлогыг самрын хураамжаас бүрдүүлсэн бөгөөд тус суманд ойн дагалт баялгаас олсон өмнөх жилүүдийн орлогоос хамгийн өндөр нь болж байна. Хураамжийн орлогын 85 ба түүнээс дээш хувийг ой хамгааллын үйл ажиллагаанд зарцуулахаар 2021 оны төсвийн төсөлд суулгах ажлыг ENSURE төсөл, ТББ, зөвлөх нар хамтран ажиллаж байна.