Биологийн олон янз байдлын хамгаалалд чухал ач холбогдох бүхий төслийн бус нутаг дахь булаг, шанд, рашааны эхийг хашиж хамгаалан нутгийн иргэд, мал цаашлаад зэрлэг амьтны усан хангамжийг нэмэгдүүлэх ажилд төсөл нутгийн иргэдтэй хамтран ажиллаж байна.

Энэ намар төслийн Хангайн бүсийн сумдаас Архангай аймгийн Батцэнгэл  сумын Цац багийн нутагт орших Онцгойн булаг, Хөшөөгийн булаг, Архангай аймгийн Хайрхан сумын Жарантай багийн нутагт орших Бухын рашаан, Хайрхан  багийн нутагт орших Даржаагийн булгийг хашиж хамгаална.

Говийн бүсэд Говь-Алтай аймгийн Чандмань сумын Модот, Шүрэн, Эрдэнэ сумын Цахир, Дэврэхийн задгай булаг, Цогт сумын Наран, Цагаантолгой,Бунхатын булгийг эхийг хашина. Мөн Баянхонгор аймгийн Баян-Өндөр сумын Баянцагаан сумын Ээдэмт, Наран, Баян-Өндөр сумын Толь, Нөрөөт булгийн эхийг хашина.  

Үүний зэрэгцээ Баянхонгор аймгийн Шинэжинст сумын нутаг дэвсгэр Дархан, Язагдай, Улаан хуц зэрэг булгийн ундаргыг нэмэгдүүлэн задгайлан ус хуримтлуулах хөв байгуулан зэрлэг амьтны усан хангамжийг нэмэгдүүлэх ажлыг энэ намар гүйцэтгэж дуусгана.

Булаг, шанд, рашааны эхийг хашиж хамгаалахад төсөл санхүүгийн дэмжлэг үзүүлэх бөгөөд тухайн сумын засаг захиргаа, нутгийн иргэдтэйгээ хамтран хашиж хамгаалах ажлыг хийж гүйцэтгэх юм.