Төслийн 4  аймгийн цаг уурын мэргэжилтнүүд,  сумын ажиглагчидтай хамтран  эдгээр аймгуудын 13 сумын нутаг дэвсгэрт 56 мониторингийн цэгийг шинээр тогтоож  Ус цаг уур, орчны хяналт шинжилгээний улсын сүлжээг өргөтгөлөө.

Мониторингийн цэг шинээр тогтоох хээрийн судалгааны үеэр  тухайн орон нутгийн мэргэжилтнүүдийг  талбайд шинээр тохиолдсон зүйл ургамлуудыг ялган таних, тодорхойлох арга зүйд сургалаа. 

Түүнчлэн төслийн 13  сумын газрын даамлуудтай хамтран  шинээр 6-7 цэгт фотомониторингийн аргаар судалгаа хийх байрлалыг сонгон нийт 88 цэгт шинээр хэмжилт хийж, Газар зохион байгуулалт геодези зурагзүйн газрын нэгдсэн сүлжээнд орууллаа.

Ингэснээр газар бэлчээрийн төлөв байдлын мониторингийн ажил сайжирч орон нутгийн түвшинд нарийвчилсан төлөвлөлт хийгдэх боломж бүрдэнэ. Үндэсний сүлжээний мэдээлэл нь цөлжилтийн үнэлгээнд хэрэглэгдэх төдийгүй нэмэлт бүтээгдэхүүн боловсруулах боломжтой юм.