Монголын унаган байгалийн хүлцэл, тогтворжилтыг хангах нь төсөл нь Завхан аймгийн Их Уул, Тосонцэнгэл сумдын нутаг буюу Тарвагатайн нурууны Улсын тусгай хамгаалалттай газарт Монгол тарвага /Marmota sibirica/ сэргээн нутагшуулах зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй хуулийн этгээдийг мэдүүлгээ ирүүлэхийг урьж байна.

Энэхүү зөвлөх үйлчилгээг үзүүлэх хуулийн этгээд нь дараах шаардлагыг хангасан байна. Үүнд:

• Байгаль орчны чиглэлээр судалгаа шинжилгээний ажил хийж гүйцэтгэдэг амьтан сэргээн нутагшуулах эрх бүхий төрийн болон төрийн бус байгууллага, эрдэм шинжилгээ судалгааны байгууллага байх;
• Амьтан, ургамлын тархалт, полуляци, байгаль орчны менежмент, ТХГН-ын чиглэлээр орон нутгийн иргэдийг оролцуулан хээрийн тооллого судалгааны ажлыг хийж гүйцэтгэсэн туршлагатай байх /багийн гишүүд нь сүүлийн 3 жилд хамгийн багадаа ижил төрлийн 3 ажлыг хийж гүйцэтгэсэн байх/;
• Төрийн болон ТББ байгууллагууд, хувийн хэвшил, орон нутгийн иргэдтэй хамтран ажиллаж, тэдгээрийн оролцоотой олон нийтэд суурилсан байгаль хамгаалалын үйл ажиллагааг зохион байгуулах туршлагатай;
• Нутгийн иргэдийг оролцоог хангасан үйл ажиллагааг зохион байгуулах, тэр дундаа байгаль хамгаалах идэвхийг өрнүүлэх, тэднийг  чадавхижуулах үйл ажиллагаа явуулж байсан туршлагатай байх;
• Байгууллага нь 5 хүний бүрэлдэхүүнтэй баг байх ба амьтан судлал, БОЯБ-ын хамгаалал, амьдрах орчны зураглал, экологи, ургамлын болон байгалийн нөөцийн менежмент зэрэг чиглэлүүдээр мэргэшсэн байна.

Гэрээний үргэлжлэх хугацаа нь гэрээнд гарын үсэг зурсан өдрөөс эхлэн 60 хоног байна.

Мэдүүлгээ ирүүлж буй хуулийн этгээд уг үйлчилгээг гүйцэтгэх чадвартайг нотлох  дараах мэдээллийг ирүүлнэ. Үүнд:

• Хуулийн этгээдийн танилцуулга, ажил гүйцэтгэх багийн танилцуулга, боловсрол, мэргэшсэн байдал, ур чадвар, туршлагын талаарх мэдээлэл, нотлох баримт, холбоо барих хаяг, утасны дугаар, цахим шуудангийн хаяг г.м
• Тухайн зарлагдсан ажилтай холбоотой хийсэн ажлын жагсаалт

Зөвлөх нь “Төрийн болон орон нутгийн өмчийн хөрөнгөөр бараа ажил, үйлчилгээ худалдан авах тухай хууль”-ийн 14-16 дугаар зүйлд дурьдсан шаардлагыг хангасан байна.

Сонирхсон этгээд мэдүүлгээ дор дурдсан хаягаар 2020 оны 4-р сарын 10-ны өдрийн 11 цаг 00 минутаас өмнө ний дотор ирүүлнэ үү.

402 тоот, Байгаль орчин, Аялал жуулчлалын Яам, Засгийн газрын II байр, Нэгдсэн үндэстний гудамж 5/2, Чингэлтэй дүүрэг, Улаанбаатар-15160, Монгол Улс

                                                Утас:+976-8000 9915