Байгалийн нөөцийг зөв зохистой ашиглан, байгальд ээлтэй МАА   эрхэлж экосистемийн үйлчилгээг нэмэгдүүлэхэд хувь нэмруу оруулж буй сайн туршлагыг дэмжих, өргөжүүлэх зорилгоор  “Байгальд ээлтэй малчин” шалгаруулж, тэдний сайн туршлагыг олон нийтэд түгээн дэлгэрүүлэх ажлыг ”Монголын унаган байгалийн хүлцэл тогтворжилтыг хангах нь” төсөл төслийн аймаг сумтай хамтран зохион байгуулж эхэллээ.

Говь-Алтай аймгийн төслийн гурван сум “Эх байгальдаа ээлтэй хандацгаая” сумын малчдын зөвөлгөөнийг зохион байгуулж  “Байгаль ээлтэй малчин”-аар Цогт сумын Баянтоорой багийн малчин Гавлийн Отгонбаяр, Төгрөг багийн малчин М.Элбэгдорж, Рашаант багийн малчин Г. Наранхажид, Эрдэнэ сумын Өлзийт багийн малчин Ү.Батпүрэв, Цагаан –Уул багийн малчин Ц. Мөнхцэцэг, Чандмань сумын 2-р багийн малчин Н.Батмагнай, 4-р багийн малчин Б. Наранбаатар нарыг тодруулжээ.

Эдгээр малчидын газрын доройтлыг бууруулах, цөлжилтийг сааруулахад хувь нэмрээ оруулан  бэлчээр ашиглалтын гэрээ байгуулан  бэлчээрийн  зүй зохистой менежмент хэрэгжүүлэн,    оршин байгаа газрынхаа бэлчээр, ус, хөрс, ой, ойн дагалдах баялаг, зэрлэг амьтан, ургамал зэрэг байгалийн нөөцийг зүй зохистой ашиглан  байгаль эх дэлхийгээ хамгаалах үйлсэд хувь нэмэр оруулж, сайн туршлагаа түгээн дэлгэрүүлдэг, мал сүргээ хариулах, нүүдэл хийхдээ ердийн хөсөг ашиглан уламжлал, соёлоо өвлүүлэхэд  оруулж буй хувь нэмрийг ийнхүү үнэлж “Байгальд ээлтэй малчин”- аар өргөмжилөв.