2005 онд байгуулагдсан Байгаль орчны нөлөөлөлийн үнэлгээ, Газар зохион байгуулалтын эрх бүхий мэргэжлийн байгууллага бөгөөд Улсын газар зохион байгуулалтын ерөнхий төлөвлөгөө, Увс, Хөвсгөл, Өмнөговь аймгуудын газар зохион байгуулалтын ерөнхий төлөвлөгөө боловсруулах, Монгол улсын хэмжээнд хийгдсэн Газрын нэгдмэл сангийн тооллого тоо бүртгэлийн ажлыг нэгтгэх, солбицолын нэгдсэн тогтолцоонд хөрвүүлэх, хүснэгтэн мэдээлэлийг нэгдсэн стандартад шилжүүлэх зэрэг томоохон ажлуудыг гүйцэтгэж байсан. 80 гаруй төсөлд Байгаль орчинд нөлөөлөх байдлын үнэлгээ, 60 гаруй төсөл газрын төлөв байдал чанарын улсын хянан баталгааг хийж гүйцэтгэсэн байна.

Төслийн хүрээнд гүйцэтгэх ажил:  Нутагт дэвсгэрт суурилсан сумын хөгжлийн ерөнхий төлөвлөгөө боловсруулах

Хамрах хүрээ,газар нутаг: Баянхонгор аймгийн 4 сум, Говь-Алтай аймгийн 3 сум

Хэрэгжүүлэх хугацаа: 2019 оны 9 сараас 2020 оны 6 сар хүртэл.

Зөвлөх багийн хэрэгжүүлэх үйл ажиллагаа

Сумын нутаг дэвсгэрийг нутаг дэвсгэрт суурилсан хэв шинжийн онцлогоор нь ангилж бүсчлэл хийнэ. Нутаг дэвсгэрийн бүс түүний онцлогт нийцүүлсэн сумын нутаг дэвсгэрийн хөгжлийн ерөнхий төлөвлөгөөг газрын нөөц, түүний экологи, эдийн засаг, орон зайн багтаамж, чадавхид зохицсон газрын менежментийн бодлогоор газар нутгийг хамгаалах, сумын нийгэм, эдийн засгийг хөгжүүлэх 7 жилийн хэтийн хөгжлийн чиглэлийг тодорхойлж хэрэгжүүлэх зураг төслийн баримт бичгийг  боловсруулна.

Зөвлөх ажлаас хүлээгдэж буй үр дүн:

• Сум бүрт сумын нийгэм, эдийн засгийг хөгжүүлэх 7 жилийн хэтийн хөгжлийн төлөвлөлтийн баримт бичиг боловсруулагдсан байна
• Сумын нутаг дэвсгэрт буй ховор нэн ховор амьтан, ургамлын амьдрах орчныг сайжруулах, хамгаалах, тоо толгой тархац нутгийг нэмэгдүүлэх ажлын чиглэл тодорхой болсон байна.
• Улсын болон орон нутгийн тусгай хамгаалалтад авах газар нутгийн байршил хил зааг тодорхойлно.
• Нөхөн сэргээх заган ойн байршил болон түүнийг нөхөн сэргээх үйл ажиллагааг хэрэгжүүлэх иргэд малчид, бусад оролцогч талуудын үүрэг, үйл ажиллагааны чиглэлийг тодорхойлно.

Байгаль орчин, газар түүний нөөц баялагийг зүй зохистой ашиглах, хамгаалах чиглэлээр хэрэгжүүлэх арга хэмжээ, менежментийн төлөвлөгөө болон түүнийг хэрэгжүүлэх зорилтод бүлгүүд, бусад оролцогч талуудын үүрэг үйл ажиллагааны чиглэлүүдийг  тодорхойлно.