Архангай аймгийн нутаг Бөхөн шарын нуруунд 2020 , 2021 онд 2 удаагийн хээрийн судалгааны ажлын үр дүнд сэргээн нутагшуулсан Баданга хүдрийг  сансрын долгион дамжуулагчтай хүзүүвчээр  хүзүүвчлэн байгальд суллан тавьж эхэллээ.

Эх нутгийн популяциас барьсан 7 тооны хүдрийг шинэ орчинд шууд суллан тавихгүйгээр дасгах хашаанд 6 сараас 1 жилийн хугацаанд тэжээж шинэ орчинд аажмаар дассаны дараа суллах амьтанд ээлтэй  аргыг хэрэгжүүлж байна. 

Олон улсад өргөн ашигладаг тус хүзүүвч 2 жил буюу 730 хоног ажиллана. Нийт 18980 цэгэн мэдээг нэг хүзүүүвчнээс авах боломжтой бөгөөд 2 жил тасралтгүй мэдээ өгсний дараа амьтнаа барьж хүзүүвчээ суллан авах юм. Ямар нэгэн алдаа гаран амьтнаа барих боломжгүй байх тохиолдолд оосор нь өөрөө элэгдэж унахаар загварчлагдсан.