ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

Огноо: 2020/06/02

Байгаль орчин, аялал жуулчлалын яам, Нэгдсэн Үндэстний Байгууллагын Хөгжлийн Хөтөлбөрийн хамтран хэрэгжүүлж буй “Монголын унаган байгалийн хүлцэл, тогтворжилтыг хангах нь төсөл” нь “Орон нутгийн тусгай хамгаалалттай газар нутгийн мастер төлөвлөгөө боловсруулах” зөвлөх үйлчилгээний гэрээ байгуулах гэж байгаа тул зөвлөх үйлчилгээ үзүүлэх хүсэлтэй хуулийн этгээдийг мэдүүлгээ ирүүлэхийг урьж байна.

Энэхүү зөвлөх үйлчилгээг үзүүлэх хуулийн этгээд нь дараах шаардлагыг хангасан байна. Үүнд:

• Тусгай хамгаалалттай газар нутгийн чиглэлээр 5-аас доошгүй жил ажилласан туршлагатай байх;
• Тусгай хамгаалалттай газар нутгийн менежментийн төлөвлөгөөг МИРАДИ программаар боловсруулж байсан туршлагатай байх;
• Тусгай хамгаалалттай газар нутгийн үр ашигт байдлын үнэлгээ хийж байсан туршлагатай байх;
• Тусгай хамгаалалттай газар нутгийн орчны бүсийн иргэдэд түшиглэсэн байгаль хамгааллын чиглэлээр ажиллаж байсан чадвартай туршлагатай байх;
• Зөвлөх баг нь экологич-биологич, газар зүйн мэдээллийн системийн мэргэжилтэн, газар зохион байгуулагч, эдийн засаг-бизнес төлөвлөлтийн мэргэжилтэн, байгалийн нөөцийн хамтын менежментийн мэргэжилтэн бүхий багийн гишүүдээс бүрдэх бөгөөд мэргэжлээрээ 5-аас доошгүй жил ажилласан туршлагатай байх;

Гэрээний үргэлжлэх хугацаа нь гэрээнд гарын үсэг зурсан өдрөөс эхлэн 6 сар байна.

Мэдүүлгээ ирүүлж буй хуулийн этгээд уг үйлчилгээг гүйцэтгэх чадвартайг нотлох  дараах мэдээллийг ирүүлнэ. Үүнд:

• Хуулийн этгээдийн танилцуулга, ажил гүйцэтгэх багийн танилцуулга, боловсрол, мэргэшсэн байдал, ур чадвар, туршлагын талаарх мэдээлэл, нотлох баримт, холбоо барих хаяг, утасны дугаар, цахим шуудангийн хаяг г.м
• Тухайн зарлагдсан ажилтай холбоотой хийсэн ажлын жагсаалт.

Зөвлөх нь “Төрийн болон орон нутгийн өмчийн хөрөнгөөр бараа ажил, үйлчилгээ худалдан авах тухай хууль”-ийн 14-16 дугаар зүйлд дурьдсан шаардлагыг хангасан байна. /Үүнд: Хуулийн 14.1.2-т заасан нөхцөл байдал үүсээгүй талаарх татварын байгууллагын тодорхойлолт, хуулиийн 14.1.4 болон 14.1.7-т заасан нөхцөл байдал тус тус үүсээгүй талаарх шүүхийн тодорхойлолт, хугацаа хэтэрсэн зээл болон зээлийн хүүгийн өр төлбөргүй талаарх харилцагч банкны тодорхойлолт, сүүлийн 1 жилийн санхүүгийн тайлангийн хуулбар/ 

Сонирхсон этгээд мэдүүлгээ битүүмжилсэн дугтуйнд хийн дор дурдсан хаягаар 2020 оны 06 дугаар сарын 12-ны өдрийн 17 цаг 30 минутаас өмнө ирүүлнэ үү.

Улаанбаатар 15160, Чингэлтэй дүүрэг, Нэгдсэн Үндэстний гудамж 5/2,

Засгийн газрын II байр, Байгаль орчин, аялал жуулчлалын яам, 402а тоот,

Утас: 976-51-261726